(President Roxas/Arakan, North
Cotabato/March 31, 2012) ---Namonitor ang may 155 na mga bata buhat sa dalawang mga
bayan sa North Cotabato ang sinasabing may ‘severe acute malnourished’ o yaong
may matinding pangangailangan sa nutrisyon.
Ito ang napag-alaman mula sa head ng program-nutrition
Philippine Mission ng Accion Contra Famine o Action Against Hunger Dr. Oscar
Fudalan, isang humanitarian NGO.
Aniya sa bilang na ito: 99 ang mula
sa 22 mga barangay sa bayan ng Arakan; at 56 mula sa 18 mga barangay sa bayan
ng President Roxas na sumailalim ngayon sa matinding gamutan dalawang buwan na
ang nakakraan.
Ayon kay Fudalan, ang mga batang
nabibilang sa kategoryang ito ay mataas ang panganib na sila’y magkasakit at
mamatay, kaya’t sa lalong madaling panahon dapat sila ay maipagamot.
Kaugnay nito, nakipag-partner na ang
ACF sa mga rural health unit ng President Roxas at Arakan LGU para
maisakatuparan ang nasabing hakbang.
Kasama sa gamutan ang pagbibigay sa
mga pasyente ng libreng Vitamin A; pagkaing mayaman sa protina, mineral; at iba
pang mga sangkap na mahalaga sa ‘growth and development’ ng isang bata.
Layon ng programa, ayon kay Dr.
Fudalan na matugunan ang malnutrisyon sa bahagi’ng ito ng North Cotabato.
May ‘severe acute malnutrition’ o
S-A-M ang isang bata kung mababa ang timbang nito at mabagal ang mental
development.
Batay sa pinakahuling data ng mga
otoridad, nabatid na marami pa sa mga lugar sa Mindanao ang mataas din ang kaso
ng malnutrisyon at sa katunayan ang malnutrisyon ang isa sa mga sanhi ng
kamatayan ng mga Kabataan sa bansa. (Rhodz Beñez)
0 comments:
Mag-post ng isang Komento