Frustrated homicide suspek, arestado ng mga otoridad sa North Cotabato

(Matalam, North Cotabato/March 26, 2012) ---Nanguna ang Operatiba ng Criminal Investigation and Detection Team (CIDT) North Cotabato sa pag-aresto sa isang mag-sasakang may kinakaharap ng kasong frustrated homicide sa isang brgy sa bayan ng Matalam, nitong Biyernes.

Kinilala ni CIDT-North Cotabato Provincial Director, Chief Inspector Elmer Guevarra ang suspek na si Judith Rocillo, 41 at residente ng brgy. Estado, Matalam.

Kasama ni Rocillo ang asawa nitong si Danilo, 32 taong gulang na sumuko sa mga otoridad.

Kapwa nasasangkot ang dalawa sa kasong frustrated homicide na nangyari noong nakaraang taon.

Nag-ugat umano ang nasabing kaso matapos na barilin ng kanyang kapatid si Judith ng magtalo ang dalawa noong 2011, hindi tinamaan si Judith pero ng Makita ng mister nitong si Danilo ang ginawa ng bayaw sa misis, kinuha nito ang itak at tinaga ang lalaki.

Sugatan sa pnanagaw ang kapatid ni Judith subalit sa halip na si Judith ang magsampa ng attempted homicide sa kapatid inunahan na raw siya nito ng sampahan siya kasama ang mister niya ng frustrated homicide.