57 IB pinasinungalingan ang mga alegasyon na gumagamit sila ng menor de edad na guide sa ginagawa nilang operasyon

By: Christine Limos

(Makilala, North Cotabato/ May 13, 2015) ---Iginiit ni Lt. Col. Jose Rustia, Commanding Officer ng 57 Infantry Battalion na hindi totoo ang mga aligasyon sa kanila. 

Sa ginanap na press conference sa headquarters ng 57IB sa Makilala, Cotabato na dinaluhan ng mga media personnel, ipinaliwanag ni Lt. Col. Rustia na gawa-gawa lamang ang mga alegasyon na gumamit umano ang kanilang tropa ng menor de edad na bata para gawing

guide sa nangyaring operation at IED noong Mayo a sais sa Brgy. Kabalantian, Arakan, Cotabato na ikinamatay nina Pfc Alfredo Callano, Pfc Mohalidin Manampan, Pfc Robert Quilangit at ikinasugat ni Cpl. Ariel Blancia.

Dagdag pa ng opisyal hindi nila kailangangumamit ng menor de edad bilang guide dahil gumagamit sila ng mapa at compass sa kanilang operation. 

Ipinaliwanag din ni Lt. Col. Rustia na noong Abril sais ay may mga NPA na sumuko at nagbalik gobyerno, isa sa miyembro na sumuko ay menor de edad kaya't malinaw umano na ang kumakaliwang grupo ang gumagamit ng menor de edad at hindi ang 57IB. 

Pangalawa sa pinasinungalingan ng opisyal ay ang human rights violation na inirereklamo sa tropa dahil gumamit umano sila ng human shield at may pinaputukang civilian noong mangyari ang encounter. 

Aniya, hindi totoo ang aligasyon dahil walang tao sa encounter site at 1 kilometro ang layo nito mula sa palayan. 

Wala rin umanong civilian na nasugatan ng mangyari ang encounter.

Inihayag din ng opisyal na paakyat sa bundok ang tropa nang pasabugan ng IED at wala umanong tao sa IED site dahil ang mga miyembro ng NPA ay nagtatago sa mga maliliit na burol na malapit sa IED site. 

Malinaw umano na ang paggamit ng IED ng NPA ay human rights violation ng International law and armed conflict.  

Malungkot din na ipinahayag ng opisyal na mga buntis ang mga misis ng 2 sundalong nasawi.

16 hours ago

Pangatlo sa pinasinungalingan ng opisyal ay ang alegasyon na may tinalian umano silang tao pagkatapos ng encounter at tinorture. Aniya, binabaliktad umano sila dahil ang katotohanan ay may hinuli at tinaliang tao sa Brgy.Kabalantian ang NPA noong Mayo a dos. 

May kasalanan umano sa NPA ang hinuling tao kung kaya't ibinilad sa init ng araw at sinentinsyahan ng NPA ng 1 taon na jindi maaaring lumabas ng Brgy.Kabalantian.

Ipinaliwanag ng opisyal na taktika lamang umano ng kumakaliwang grupo ang mga alegasyon upang mahati ang atensyon ng 57IB sa mga ginagawang programa tulad na lamang ng katatapos na PDOP program. Zone of Peace. Joint Memorandum circular at CLIP, programa para sa mga NPA na gustong magbalik gobyerno.