By: Christine
Limos
(Maguindanao/ May 11, 2015) ---Sugatan ang
dalawang kasapi ng 40th Infantry Battalion sa nangyaring pananambang
sa Barangay Timbanagan, Shariff Aguak, Maguindanao kamakalawa.
Kinilala ni Lt. Col. Joel Q. Mamon
Commanding Officer ng 40 IB ang mga sugatan na sina Pfc. Pelomino Albero na
nagtamo ng sugat sa kaliwang bahagi ng katawan at si Pvt. Danilo V. Lomoljo na
nagtamo ng sugat sa kanang bahagi ng katawan at nagkaroon ng pinsala sa buto.
Sa ulat na nakuha ng DXVL news, habang bumabiyahe
mula Mamasapano papuntang Shariff Aguak ang elemento ng 40 IB lulan ng M35
truck ay biglang sumabog ang IED sa gilid ng daan na sinundan ng pagpapaulan ng
bala ng di mabilang na mga armadong kalalakihan.
Agad namang nakaganti ang mga sundalo at
nagkaroon ng palitan ng putok na tumagal ng limang minuto bago tumakas ang mga
armado sa timog na direksyon ng lugar.
Mabilis na isinugod sa pagamutan sa Camp
Siongco ang mga sugatang sundalo kung saan nilalapatan ng lunas.
0 comments:
Mag-post ng isang Komento