by: Rhoderick Beñez
(Matalam, North Cotabato/ May 11, 2015) ---Tatlo
katao ang naiulat na napatay sa panibagong krimen na sumiklab sa Brgy. Estado,
Matalam, North Cotabato alas 6:30 kagabi.
Sa impormasyong nakuha ng DXVL News ngayong
umaga kay SPO1 Froilan Gravidez ng Matalam PNP kinilala nito ang mga nasawing
biktima na sina Joey Delloso, 31-anyos, may asawa, driver at residente ng
Poblacion, Matalam; Geofrey Lauria, maya sawa, croupier (bankero) ng larong
toos coin o mas kilala sa tawag na hantak at residente ng Carmen, North
Cotabato.
Isa pang biktima ay kinilalang si Ramel
Quijano nasa hustong gulang at residente ng brgy. Estado bayan ng Matalam.
Batay sa inisyal na ulat, lulan ang tatlo ng
tricycle at pauwi na galing ng nasabing brgy. at pagdating sa Sitio Esmar ay
pinaulanan ng bala ang tatlo ng di pa nakilalang mga salarin.
Dahil sa tindi ng tama ng bala sa
iba’t-ibang bahagi ng kanilang katawan, patay noon din ang mga biktima.
Pinaniniwalaang papunta sa brgy. Estado ang
mga ito at maglalaro sana ng hantak ng pagbabarilin ng di pa matukoy na suspek
gamit ang M14 rifle, bata sa nakuhang mga bala sa crime scene.
Patuloy pa ang ginagawang imbestigasyon ng
Matalam PNP sa motibo ng insidente.
0 comments:
Mag-post ng isang Komento