By:
Rhoderick Beñez
(Kidapawan city/ May 11, 2015) ---Limang
tama ng bala sa iba’t-ibang bahagi ng kanyang katawan ang tumapos sa buhay ng
isang magsasaka makaraang pagbabarilin ng riding tandem assassins sa panibagong
krimen na naganap sa Purok San Vicente, Brgy. Paco, Kidapawan City pasado alas
6:00 ngayong umaga lamang.
Kinilala ni Supt. Franklin Anito, pinuno ng
Kidapawan city PNP ang biktima na si Gerard Henteron, nasa hustong gulang at
residente ng nabanggit na lugar.
Lumalabas sa inisyal na pagsisisyasat ng mga
kapulisan na patungo ang biktima sa kanyang sakahan ng tambangan ng riding
tandem.
Umalingawngaw ang limang putok ng baril sa
di kalayuan at nakasigaw pa ang biktima sa pangalan ng kanyang Misis, bago ito
nalagutan ng hininga.
Pagkarinig ni Dayreen Corpuz, misis ng
biktima agad na tinungo ang pinangyarihan ng insidente at di ito makapaniwala
na nangyari sa kanyang mister.
Matapos maisakatuparan ang masamang balakin
agad na tumakas ang mga suspek na naka-bonnet sakay ng kulay pulang XRM
motorsiklo papalayo sa di malamang direksiyon.
0 comments:
Mag-post ng isang Komento