By: Mark Anthony Pispis
(Kabacan, North Cotabato/ May 12,
2015) ---Kulungan ang bagsak ng tatlong mga kawatan makaraang mahuli ng Kabacan
PNP sa aktong pagnanakaw sa Amplayo Grocery Store sa panulukan ng Aglipay at
Jacinto Street sa Brgy. Poblacion, Kabacan, North Cotabato nitong weekend.
Kinilala ni PI Arvin Jhon Cambang ng
Kabacan PNP ang mga suspek na sina Evelyn Aguilar, 58 anyos, may asawa,
residente ng Brgy. Calumpang sa lungsod ng General Santos, isang Nita Mondija,
53 anyos, may asawa, residente ng Brgy. Namama, Koronadal, South Cotabato at
isang Narcisa Pepito, 52 anyos, may asawa at residente ng Brgy. Colonggolo,
Surallah, South Cotabato.
Anya, lumalabas sa inisyal na
imbestigasyon ng Kabacan PNP, na positibong kinilala ng biktima ang tatlong
suspek makaraang manakawan ito ng kanyang wallet na naglalaman ng halagang
P5,200 habang nag gogrocery sa nasabing grocery store.
Dagdag pa ng opisyal na modos umano
ng mga suspek na magkukunwaring kostumer
at pag nakakita ng bibiktimahin ay dahan dahang palilibutan ng mga ito ang
kanilang target at dahan dahang nanakawin ang pitaka nito ng hindi namamalayan
ng kanilang mabibiktima.
Sa ngayon ay naghihimas ng malamig na
rehas na bakal ang mga salarin habang naisampa narin ang kasong pagnanakaw na
kakaharapin ng mga ito.
Nagpaalala rin ang Kabacan PNP sa
pangunguna ni PSI Ronnie Cordero sa mga mamayan ng bayan na mag doble-ingat sa
pamamalengke upang hindi mabiktima ng kahalintulad na modos operande lalo pa’t
may dalawang kasamahan pa umano itong natitira na patuloy pa nilang tinutugis.
0 comments:
Mag-post ng isang Komento