By: Jimmy
Santa Cruz
(Amas, Kidapawan city/ April 20, 2015)
---Binuksan na sa publiko ang upgraded building ng Fr. Tulio Favali Municipal
Hospital sa Tulunan, Cotabato noong April 15, 2015.
Ang naturang gusali na nagkakahalaga
ng P10M ay pinondohan ng Dept of Health o DOH sa pamamagitan ng Health
Facilities Enhancement Program o DOH-HFEP kung saan ang Provincial Government
of Cotabato ang implementing agency.
Si Gov. Emmylou “Lala” J. Taliño-Mendoza
ang nanguna sa formal turnover ng proyekto matapos ang blessing ceremony.
Ayon sa gobernadora, isang
breakthrough para sa Fr. Tulio Favali Municipal Hospital ang pagkakaroon ng
bagong gusali dahil mas mapapahusay nila ang kanilang serbisyo ayon na rin sa
kanilang mission-vision.
Malugod namang tinanggap ni Dr.
Sabino Marasigan, Chief of Hospital ng FTFM Hospital at ng buong personnel ng
pagamutan ang proyekto.
Sinabi ni Dr. Marasigan na natutuwa
sila sa pagbabagong anyo ng hospital dahil magbibigay ito ng karagdang
inspirasyon sa mga doktor, nurses at iba pang hospital staff sa paglilingkod sa
mga may sakit at iba pang mga pasyente.
0 comments:
Mag-post ng isang Komento