By:
Christine Limos
(Kidapawan city/ April 20, 2015) ---Nahaharap
ngayon sa kasong paglabag sa RA 9165 o Comprehensive Dangerous Drugs Act of
2002 ang dating pulis sa Kidapawan City matapos mahuli noong Huwebes alas 8:00
ng umaga sa isinagawang drug buy bust operation ng mga elemento ng PDEA-ARMM sa
pangunguna ni IA3 Ferdinand Kintanar.
Kinilala ni PDEA-ARMM Director Yogi
Felimon Ruiz ang suspek na si PO1 Roy Ramirez, alias Kano Ramirez na
itinuturing ng PDEA na high value target at no.1 target sa listahan ng
Kidapawan City PNP.
Si Ramirez ay naaresto sa kanyang
bahay sa 143 Quezon Blvd, Poblacion, Kidapawan City matapos magbenta ng isang
sachet ng pinaniniwalaang shabu sa isang PDEA agent na nagpanggap na buyer.
Nakuha sa suspek ang 11 pcs ng
heat-sealed transparent plastic sachet na naglalaman ng pinaniniwalaang methamphetamine
hydrochloride o shabu na may bigat na mahigit kumulang 5 gramo, drug
paraphernalia, 1 unit ng black-green Honda Wave na walang plaka at 500 pesos
bilang mark money.
0 comments:
Mag-post ng isang Komento