By:
Christine Limos
(Kabacan, North Cotabato/ April 22, 2015)
---Inilatag ni Kabacan Mayor Herlo Guzman Jr. ang iba’t ibang proyekto sa ibat’
ibang baranggay sa bayan ng Kabacan.
Sa panayam ng DXVL news inihayag ng alkalde
na may proyektong naipatupad na PAMANA projects at sa Bgry. Tamped may
proyektong Salintubig para sa malinis at maiinom na tubig ng mga residente,
meron ding ipinamigay na solar panel lights sa tulong ng Department of Energy
at USM AREC.
Dagdag pa ni Mayor Guzman na may proyekto din
sa Bgy Dagupan na health center, may solar dryer din sa brgy Sanggadong, Lower
Paatan at Magatos.
Patuloy din ang concreting sa Bgry. Cuyapon kung saan kahit
bumaha ay pwede na makatawid ang kanilang mga trysikel at sasakyan.
Ipinaliwanag din ng alkalde na dapat
magkaisa ang mga brgy. kapitan na tulungan ang mga brgy. na maliit ang IRA o
Internal Revenue Allotment.
Samantala, inihayag din ni Mayor Guzman na
mas kailangan ang partisipasyon ng mga Brgy. kapitan at ng brgy. council dahil
sila ang mas nakakilala sa mga residente na nakatira sa kanilang brgy. at sino
ang pumapasok sa brgy. upang maproteksyunan ang mga mamamayan hinggil sa ulat
na nasa mga brgy.na umano ang mga nagbebenta ng droga.
Dagdag pa ng alkalde na mas pinaiigting ng
Kabacan PNP sa panguguna ni Kabacan OIC COP PSI Ronnie Batuampo Cordero ang
paghuli sa mga nagbebenta ng illegal na droga.
Nagbigay din ng pahayag si Mayor Guzman
hinggil sa kawalan ng street lights.
Aniya, dinadaan sa legal na proseso ang
pagbabalik ng street lights.
0 comments:
Mag-post ng isang Komento