By: Rhoderick Beñez
(Tulunan,
North Cotabato/ April 24, 2015) ---Patay ang isang barangay Kagawad sa
panibagong krimen sa Purok 2, Barangay Minapan, sa bayan ng Tulunan, lalawigan
ng North Cotabato alas 12:40 kamakalawa ng hapon.
Kinilala ni
P/Insp. Rolando Dillera, OIC ng Tulunan PNP ang biktima na si Alex Alcarde
Navallasca, 48-anyos, may asawa at brgy. kagawad ng nasabing barangay habang
nakilala naman ang suspek na si Elay Absalon Muscuso, 38-anyos, may asawa at
residente ng nasabing lugar.
Batay sa
inisyal na pagsisiyasat, bago nangyari ang pamamaril ay nagkainitan ang tiya ng
biktima at ang suspek kaugnay sa problema sa hangganan ng lupa.
Biglang
dumating ang biktima at inawat ang dalawang nag-aaway kungsaan nagpaputok ito
ng dala niyang baril.
Bagay namang
pinaputukan din ni Muscuso si Navallasca ng malapitan kungsaan tumagos pa ang
bala sa katawan ng biktima.
Nang makitang
bulagta na ang biktima, agad na tumakas ang suspek kasama ang isa pang kasama
nito, ayon pa kay PO2 Marvin Bello Mirambel ang imbestigador ng Tulunan PNP.
Naisugod pa ang barangay kagawad sa pagamutan
pero ideneklara na itong dead on arrival ng mga doktor, patuloy pa ang
ginagawang imbestigasyon ng mga otoridad at paghahanap sa suspek.
0 comments:
Mag-post ng isang Komento