By: Rhoderick
Beñez
(Pikit, North Cotabato/ April 21,
2015) ---Patay ang isang mister makaraang pagbabarilin ng mismong kainuman nito
sa panibagong krimen sa Sitio Manding sa bayan ng Pikit, lalawigan ng North
Cotabato ala 1:30 ng madaling araw kahapon.
Kinilala ni PInsp. Sindato Karim,
hepe ng Pikit PNP sa panayam ng DXVL News ang biktima na si Albert Wacan Roda,
may asawa at residente rin ng nabanggit na bayan habang nakilala naman ang
suspek na si Noel Lobo.
Lumalabas sa inisyal na imbestigasyon
ng Pikit PNP na habang nag-iinuman ang mga ito nang biglang nagkahamunan ang
biktima at ang suspek.
Binato umano ng biktima ang asawa ng suspek dahilan
upang barilin ito ng suspek.
At dahil sa kapwa may mga baril ang
mga ito ay agad na nagbarilan ang biktima at ang suspek ngunit minalas ang biktima
dahil agad itong naunahan.
Naisugod pa sa Crusado Medical Clinic
ang biktimang si Roda ngunit agad ding idineklarang dead on arrival ng mga
doctor.
0 comments:
Mag-post ng isang Komento