(Kabacan, North Cotabato/ July 23, 2014) ---Patuloy
ngayon ang ginagawang monitoring ng Kabacan Municipal Agriculture Office sa
ilang mga sakahan sa bayan na inatake ng Rice Tungo Virus at Bacterial Leaf
Blight.
Ayon kay Agricultural Technologist/ Report
Officer Tessie Nidoy na bagama’t kalat kalat ang naturang sakit sa palayan
kanya namang pinayuhan ang mga magsasaka na agad na puksain ang naturang sakit
na umaatake ngayon sa palayan.
Kabilang sa mga barangay an naapektuhan ng Rice
Tungo Virus (RTV) ay ang Upper Paatan, Salapungan at Brgy. Osias.
Samantala patuloy naman ang monitoring nila
sa mga lugar na naapektuhan ng Bacterial Leaf Blight sa mga bargy ng Aringay at
Malanduage.
May mga ulat din ng RTV sa Katidtuan pero
patuloy pa itong kinukumpirma ng MAO.
Sinabi ni Nidoy na malaki ang bawas sa ani ng
mga magsasaka kung may kahalintulad na sakit ang mga palayan.
Kabilang sa mga factor kung bakit bolnerable
sa sakit na ito ang palayan ay ang panahon (Weather Condition), klase ng binhi
at ang panahon ng pagtatanim, dagdag pa ni Report Officer Nidoy.
Aniya, bagama’t sapat ang supply ng bigas sa
Kabacan di pa rin nila maitatanggi na tumataas pa rin ang presyo ng bigas sa
pamilihang bayan.
Isa sa mga dahilan nito ay ang rice hoarding
kaya mataas ang presyo ng bigas sa Merkado, pero itinanggi naman ni Nidoy na
may ganitong aktibidad ang mga negosyante ng palay sa Kabacan.
Samantala, abot sa 6 na tonelada ng palay ang
naaani ng bayan ng Kabacan nitong buwan ng Abril, Mayo 4.9 na tonelada at
nitong Hunyo ay 4.5 tonelada.
Hindi naman bumababa sa 4 na tonelada ang
naaaning palay sa loob ng ikalawang kwarto ng taon kaya maituturing pa rin na
palabigasan ng probinsiya ng North Cotabato ang Kabacan. Rhoderick Beñez
0 comments:
Mag-post ng isang Komento