(Kabacan, North Cotabato/ July 25, 2014) ---Patuloy
pa rin ngayon ang ginagawang man-hunt operation ng mga otoridad sa tatlong mga
suspek na sinasabing miyembro ng budol-dudol gang.
Sa report na ipinarating ni Sir Jun
Magallon, Presidente ng Purok Tanod sa Poblacion na isang Misis na
taga-Masagana ang panibagong biktima ng mga budol-budol gang kahapon kungsaan
natangay mula sa Ginang ang hikaw nito na nagkakahalaga ng abot sa P10,000.00.
Sinasabing hindi pa nakalabas ang sinasakyan
ng mga suspek na kulay gray at posibleng nagtatago sa isang compound dito sa
Kabacan.
Ang mga suspek na di pa kinilala ay dalawang
babae na may edad na at isang lalaki na drayber ng mga ito.
Panawagan ng mga otoridad sa publiko na kung
sinuman ang nakakita ng naturang kotse na kulay gray at walang opisyal plate
number ay agad na isumbong sa kinauukulan.
May naka-amba namang pabuya ang sinumang
makapagturo ng naturang sasakyan.
Sa ngayon, hinigpitan na ng mga elemento ng
pulisya katuwang ang Traffic Management Unit ng Kabacan ang lahat ng mga
lagusan kasama na ang mga check at choke point sa bayan para mabantayan na di
makakalabas ng bayan ang naturang sasakyan.
Una naring nagpaalala kahapon si TMU Head
Ret. Col. Antonio Peralta sa publiko na di agad agad magpapaniwala sa mga alok
na malaking pera kung hindi naman kakilala ang mga ito. Rhoderick Beñez
0 comments:
Mag-post ng isang Komento