(Amas, Kidapawan City/ July 21, 2014)
---Naabo ang kulang-kulang sampung milyong mga gamot sa nangyaring sunog sa
Stock Room ng Integrated Provincial Health Office ng North Cotabato alas 8:00
ng umaga nitong Sabado.
Ayon kay North Cotabato BFP Deputy Director
Fire Inspector Marleap Nabor na maliban sa pagkakasunog ng IPHO Building
dalawang mga kalapit na gusali nito ang bahagyang nasunog.
Wala namang may naiulat na nasaktan sa
naturang insidente kungsaan patuloy pa ngayon ang ginagawang imbestigasyon.
Kabilang sa mga anggulong sinisilip ng BFP
North Cotabatao ang may kaugnayan sa kuryente at kung ito’y sinadya.
Sinabi ni IPHO North Cot OIC Director Dra.
Eva Rabaya na kabilang sa mga naabo ay ang mga bago dating ng mga Vaccines, mga
gamot para sa Malaria at mga pang-outreach Program ng North Cotabato
Government.
Sinabi naman ni Cotabato Gov. Emmylou “Lala”
Taliño Mendoza na nagsagawa na ng emergency procurement ang provincial
government para di mabalam ang operasyon at programang pangkalusugan ng
Department of Health (DOH), Integrated Provincial Health Office (IPHO) at ng
Rural Health Units (RHU’s) habang hinihintay naman ang kumpletong imbestigasyon
ng naturang sunog. Rhoderick Beñez
0 comments:
Mag-post ng isang Komento