Written by: Jimmy Sta. Cruz
(Amas, Kidapawan City/ July 22, 2014) –
Sumasailalim ngayon sa dalawang araw na seminar-workshop ang mga department
heads at administrative officers ng provincial capitol ng Cotabato sa capitol
rooftop, Barangay Amas, Kidapawan City mula July 16-17, 2014.
Ito ang Seminar-Workshop on the Crafting of
the Human Resource Plan na naglalayong mabigyan ng update ang mga heads at
admin officers patungkol sa pagpaplano at pagbuo ng kanilang mga human
resources at matugon ang pangangailangan para sa mahusay na HR framework.
Si Cot. Provincial Human Resource and
Management Office Head Aurora P. Garcia ang nagbigay ng opening remarks at
overwiew ng naturang seminar.
Si Provincial Administrator Van D. Cadungon
naman ang nagbigay ng policy direction ng Provincial Government of Cotabato.
Tinalakay sa unang araw ng seminar kahapon
ng umaga ang mga sumusunod na topiko: HR planning, concept, purposes and
elements, HR plan, challenges and common pitfalls at review on vision, mission and
core values ng PHRMO at iba pang departamento.
Sa hapon naman ay tinalakay ang HR plan
process, job and gap analysis with workshop at nagkaroon din sila ng output
presentations and critiquing.
Ngayong araw naman ay pag-uusapan sa seminar
ang career path, succession planning, pre-retirement planning, written exercise
on HR plan, HR templates workshop at bago magtapos ang seminar ay magsasagawa
sila ng evaluation.
Malaki naman ang magagawa ng
seminar-workshop na ito para sa mga dept. heads at admin officers at maging sa
mga executive assistants dahil magsisilbi itong refresher sa mga polisiya at
alituntunin na kanilang ipinatutupad.
Magiging gabay din nila ito sa pagbuo ng iba
pang importanteng polisiya sa kani-kanilang mga departamento upang mas lalo pa
silang maging epektibo sa kanilang mga gawain. (JIMMY STA. CRUZ/PGO Media
Center)
0 comments:
Mag-post ng isang Komento