(Matalam, North Cotabato/ July 21, 2014) ---Sugatan
ang tatlo katao makaraang aksidenteng mabangga ng isang Weena Bus ang
motorsiklong sinasakyan ng mga ito sa bahagi ng National Highway sa kurbadang
bahagi ng Terminal ng Matalam, North Cotabato alas 4:25 kahapon ng hapon.
Kinilala ni PCI Elias Diosma Colonia, hepe
ng Matalam PNP ang mga sugatan na sina Rjay Yson, 25, driver habang sugatan
naman ang dalawa pa nitong mga sakay na sina Charnel Camilo, 26, may asawa at
Rolien Rapista, 20-anyos lahat mga residente ng Lika, Mlang, North Cotabato.
Batay sa inisyal na pagsisiyasat, habang
papalabas ang pampasaherong Bus na may license Plate MWC 454 buhat sa Matalam
Public terminal papunta ng National Highway ng masagi nito ang isang XRM 110 na
may temporary plate number 1244-4450 na buhat naman sa Arden cockpit Arena,
ayon pa kay SPO1 Froilan Gravidez ng Matalam PNP.
Mabilis na isinugod sa Babol General
Hospital ang tatlo pero agad namang inilipat sa Madonna Hospital si Yson ang
driver ng motorsiklo para mabigyan ng medikal na atensiyon.
Sa ngayon nasa kustodiya naman ng Matalam
PNP ang drayber ng Weena Bus na nakilalang si Benjamin Pancho, 64 at residente
ng Km Bangkal, Davao City gayundin ang Unit ng Bus habang patuloy ang
imbestigasyon. Rhoderick Beñez
0 comments:
Mag-post ng isang Komento