(Kabacan, North Cotabato/ July 22, 2014) ---Bumulagta
ang dalawang mga pinaniniwalaang mga carnapper makaraang mapatay ng mga
otoridad sa nangyaring barilan sa gitna ng sakahan sa bahagi ng Purok 6, Brgy.
Osias, Kabacan, North Cotabato alas 8:50 kahapon ng umaga.
Sa report ni Supt. Jordine Maribojo, hepe ng
Kabacan PNP na bigong makapagsagawa ng pa-ngangarnap ang dalawang suspek kaya
kanilang tinutukan ng baril ang kanilang nabiktima sa bahagi ng brgy. Dagupan.
Kaagad na inalerto ni P/Supt. Maribojo ang
kanyang mga tauhan matapos makatanggap ng impormasyon kaugnay sa modus operandi
ng dalawang di-kilalang lalaki.
Inilatag ng pulisya ang ilang checkpoint na
posibleng pagdaanan ng dalawang karnaper hanggang sa maispatan ang mga suspek
sa bahagi ng Purok 6 sa nasabing
barangay.
Gayon pa man, imbes na sumuko ay namaril pa
ang mga ito kaya gumanti rin ng putok ang mga pulis hanggang sa mapatay ang
dalawa.
Napatay noon din ang dalawang mga suspek na
residente ng Pagagawan, Maguindanao at agad namang kinuha ng kanilang mga
kamag-anak ang bangkay ng dalawang mga suspek.
Narekober mula sa pinangyarihan ng insidente
ang isang kalibre .45 na pistol, 2 piraso ng magazine, anim na bala ng kalibre
.45 at ilang mga empty shell, hair wig at isang motorsiklo na ginamit ng mga
suspek sa pagtakas. Rhoderick Beñez
0 comments:
Mag-post ng isang Komento