(Kabacan, North Cotabato/ May 19, 2014) ---Kalaboso
ang isang 24-anyos na magnanakaw makaraang mahuli sa aktong ipinupuslit nito
ang mga RTW’s mula sa ikatlong palapag ng Shoppers mart na nasa Rizal St.,
Poblacion, Kabacan, Cotabato alas 10:40 kamakalawa ng umaga.
Kinilala ni Supt. Jordine Maribojo, hepe ng
Kabacan PNP ang suspek na si Renie Matura, binata, walang trabaho at residente
ng Kidapawan City.
Pumasok ang suspek at nagpanggap itong
kustomer sa nasabing establisiemento na bahagi ng kanyang modus operandi.
Pero ng matunugan ng gwardiya na iba ang
ikinikilos ng suspek, kanyang sinita ito para siyasatin pero tumanggi
mag-pa-inspeksiyon ang suspek sa halip mabilis na tumakas palabas ng
establisiemento.
Sa tulong ng PNP, BPAT at mga tao sa lugar,
nasakote ang suspek at narekober ang
kinulimbat nitong apat na short pants na maong na nagkakahalaga ng P850.00 ang
bawat isa.
Sa ngayon, nasa kustodiya ng Kabacan PNP ang
suspek habang inihahanda an kasong isasampa laban sa kanya. USM Devcom Intern Zhaira Sinolinding
0 comments:
Mag-post ng isang Komento