(Digos City, Davao del sur/ May 23, 2014)
---Maagang sinalubong ni kamatayan ang isang mamahayag makaraang barilin ng di
pa nakilalang mga suspek na lulan ng motorsiklo sa sa Digos City, Davao del Sur
alas 7:00 ngayong umaga.
Kinilala ng Digos City PNP ang biktima na si
Sammy Oliberyo, isang blocktime radio commentator sa University of Mindanao
Broadcasting Network (UMBN).
Batay sa inisyal na ulat, galing ng palengke
ang biktima kasama ang kanyang asawa pauwi na sa kanilang bahay ng tabihan ng
nakamotorsiklo na riding tandem assassins.
Una rito, nagmamadali pa umano ang biktima
dahil hinahabol nito ang kanyang alas-7:00 hanggang alas-8:00 ng umaga na
programa.
Patuloy pa ang imbestigasyon ng mga otoridad
kung sino ang nasa likod at motibo sa pangyayari.
Napag-alaman na si Oliberyo ay blocktime
commentator ng city government ng Davao del Sur.
Napag-alaman mula kay Marlon Malnegro,
malapit na kaibigan ni Oliberyo, at isa ring radio commentator, hindi naman
umano hard hitting na komentarista ang biktima kaya naman sa inisyal nilang
paniniwala maaaring personal ang motibo sa nasabing krimen kung saan patuloy ng
tinutugis ngayon ang mga suspek. Rhoderick
Beñez
0 comments:
Mag-post ng isang Komento