(Amas, Kidapawan City/ March 10, 2014) ---Muling
sumiklab ng panibagong kaguluhan sa Sitio
Nazareth, Barangay Amas, North Cotabato nitong weekend.
Sa panayam ng DXVL News kay City Disaster
Risk Reduction Officer Psalmer Bernarte muling nagkapalitan ng putok ang
magkalabang armadong grupo sa pinag-aawayang lupa ng gobyerno na pag-mamay-ari
ng CEMIARC.
Aniya, maging ang mga miyembro City Disaster
Risk and Reduction Management Council ay pinaputukan nang magpunta ang mga ito
upang alamin ang kalagayan ng mga residente.
Samantala sa hiwalay na interbyu ng DXVL News kahapon
kay Local Monitoring Team Jabib Guiabar na ang paglalagay ng Peace Keeping
Action Force sa lugar ay hindi pangmatagalang solusyon bagkus, giit nitong band
aide lamang ito.
Aminado rin ang opisyal na hindi kakayanin
ng puwersa ng PNP ang pagbabantay sa lugar at ilang beses na ring nagkaroon ng
pagpupulong doon ang city government, local monitoring team ng MILF at mga
opisyal ng barangay Patadon at Barangay Amas subalit pangunahing suliranin pa
rin ang pagkakaroon ng armas ng ilan sa mga residente ng Sitio Nazareth. Rhoderick Beñez
0 comments:
Mag-post ng isang Komento