Written by: Roderick
Bautista
(Pikit,
North Cotabato/March 13, 2014) ---Nagsagawa ng diyalogo ang National Irrigation
Administration Malitubog- Maridagao Irrigation Project Management Office sa
pamumuno ni Engr. Noldin Oyod tungkol sa implementasyon ng Mal-Mar Irrigation
Project Phase II.
Idinaos
ang nasabing konsultasyon sa Purok 5, Barangay Bualan sa bayan ng Pikit, North
Cotabato kahapon.
Dinaluhan
ito ng mga kinatawan ng iba’t- ibang sektor kabilang na ang kasundaluhan, mga
opisyal ng barangay, lokal na pamahalaan, kapulisan, irrigators’ associations,
mga kasapi ng Moro Islamic Liberation Front o MILF, sektor ng kababaihan at iba
pang stakeholders.
Sentro
ng pag-uusap ang peace and order sa lugar partikular sa Pikit at Aleosan kung
saan ipinapatupad ngayon ang Mal-Mar project, ito ayon sa report ni PPALMA News
Correspondent Roderick Bautista.
Sa
kanyang mensahe ay binigyang- diin ni North Cotabato Representative at GPH-
MILF Peace Talks observer Jesus Sacdalan na dapat ay magkaisa ang bawat
stakeholder upang masigurong magpapatuloy ang implementasyon ng Mal-Mar Project
II.
Naniniwala
ang opisyal na makukumpleto ang Mal-Mar
Project kapag mapapanatili ang peace and order sa lugar.
Kaugnay
nito, hinikayat naman ni CCCH Member at MILF Central Command Deputy Front
Commander Butch Malang ang MILF leaders and members na suportahan ang
pagpapatupad ng natukoy na irrigation project.
0 comments:
Mag-post ng isang Komento