(Kabacan, North Cotabato/ March 12, 2014)
---Iprenesinta kahapon kay Kabacan Mayor Herlo Guzman Jr. ni PCInps.
Jubernadine Panes ang deputy Chief of Police ng Kabacan PNP ang apat na bagong
talagang police personnel ng Kabacan.
Sa isinagawang courtesy call, sinabi ng
alkalde na suportado nito ang kapulisan ng bayan para sa pagmamantina ng
katahimikan at kapayapaan sa bayan ng Kabacan.
Ang dagdag na pwersa ng PNP ay bahagi ng
hakbang ni Mayor Guzman na pababain ang kriminalidad sa Kabacan at sa tulong na
rin ng mamamayan.
Sinabi naman ni Panes na karamihan sa mga
biktima at suspek sa mga kriminalidad sa Kabacan ay hindi residente ng bayan.
Kaugnay nito, pinaplantsa na ng kapulisan sa
tulong ng mga sundalo, BPAT, tanod at mga force multipliers ang gagawing choke
point nila sa posibleng lagusan ng mga riding tandem na mga suspek na responsable
sa nakawan ng motorsiklo, pamamaril at iba pang krimen. Rhoderick Beñez
0 comments:
Mag-post ng isang Komento