(Matalam, North Cotabato/ March 6, 2014) ---Abot
sa P1.2M ang halaga ng dumptruck na gamit sa construction ang sinunog ng mga
armadong grupo sa Brgy. Estado, Matalam, North Cotabato alas 2:00 ng hapon
kamakalawa ng hapon.
Ayon kay PCInsp. Elias Diosma Colonia, hepe
ng Matalam PNP pinababa umano si Joey Domosmog, driver ng nasabing sasakyan na
may license plate RGT 193 ng Better Works construction Supply ng apat na mga
armadong kalalakihan at pwersahang kinuha ang kanyang cell phone.
Agad namang sinabuyan ng gasolina ng mga
salarin ang ang sasakyan at ang gulong nito at tsaka sinilaban.
Ang nasabing sasakyan ay nakaparada sa
quarry site na pag-mamay-ari ni Brgy. Kagawad Virgilio Blando ng Brgy. Estado,
Matalam at hangganan ng Brgy. La Esperanza, Pres. Roxas, North Cotabato.
Matapos na tuluyang natupok ang nasabing
sasakyan, agad namang tumakas ang mga suspek sa bahagi ng La Esperanza.
Sa ngayon, nagpapatuloy ang hot pursuit
operation ng Matalam PNP para mahuli ang mga responsible sa krimen.
Sinabi ni SPO1 Froilan Gravidez ng Matalam
PNP na inaalam pa nila kung isa ang extortion sa mga motibo sa nasabing
insedente.Rhoderick Beñez
0 comments:
Mag-post ng isang Komento