(Kabacan, North Cotabato/ February 14, 2014)
---Hinigpitan na ngayon ang seguridad sa paligid ng University of Southern
Mindanao matapos na hagisan ng granada ang USM Transport na nasa loob ng USM
Main campus, Kabacan alas 7:20 kagabi.
Sa nakalap na impormasyon ng DXVL News mula
sa mga guwardiyang sina John Subat at Claudio Redillas kumakain ang mga ito ng
biglang may sumabog.
Sa inisyal na pagsisiyasat ng Kabacan PNP,
sumabog ang granada na itinapon ng mga di pa nakilalang suspek sa masukal na
bahagi ng USM Machinery.
Ayon sa report ni Supt. Jordine Maribojo,
hepe ng Kabacan PNP dalawa umano ang itinapong granada ngunit isa lamang sa mga
ito ang sumabog at ang isa ay hindi sumabog kung saan narekober ito sa ilalim
ng pulang pick up na nakaparada.
Bunsod ng pagsabog, nagawang magpaputok ng
dalawang guwardiya ng kanilang service firearms sa pag aakalang sila ay binaril
lamang.
Masuwerte namang hindi nasugatan ang
dalawang guwardiya na ayon sa kanila, mga 7 hanggang 10 metro lamang ang layo
nila sa sumabog na granada.
Wala namang may naitalang pinsala sa
pagsabog, maliban na lamang sa nabasag na wind shield ng isang government owned
Van na nakaparada sa nasabing lugar.
Patuloy pa ngayon ang ginagawang
imbestigasyon ng mga otoridad sa nasabing pagpapasabog kung anu ang motibo. Rhoderick Beñez
0 comments:
Mag-post ng isang Komento