(Kabacan, North Cotabato/
February 10, 2014) ---Huli ng Kabacan PNP ang dalawa katao sa pagdadala ng
armas sa isinagawang highway check nila sa Barangay Katidtuan, Kabacan,
Cotabato alas 5:30 kahapon ng hapon.
Ayon kay Supt. Jordine Maribojo,
hepe ng Kabacan PNP nasakote ang dalawa sa nagpapatuloy na oplan kap-kap bakal
at sita ng Kabacan PNP sa mga nagdadala ng armas sa bayan na walang kaukulang
permit o illegal possession of firearms.
Kinilala ang mga suspek na sina
Jomary Dres Pinansalog, 38-anyos habang nakilala naman ang angkas nito na si
Kadil Tambilawan Mukalam, 37-anyoskapwa residente ng Purok II, Barangay
Kitulaan, Carmen, North Cotabato.
Sa ginawang pagsisiyasat ng PNP
nakitang may salukbit na armas si Mukalam dahilan para arestuhin ang dalawa.
Nakuha mula sa posisyon nito ang
kalibre .22 na pistol at mga bala.
Sa ngayon ang mga suspek ay nasa
kustodiya ng Kabacan PNP habang ipapasuri naman sa Provincial Crime lab ang
nakumpiskang baril at bala mula sa mga suspek habanginihahanda na ang kasong
kakaharapin ng mga ito. Rhoderick Beñez
0 comments:
Mag-post ng isang Komento