(Kabacan, North Cotabato/
February 10, 2014) ---Sugatan ang isang 53-anyos na negosyante makaraang
pagbabarilin sa National High partikular sa Barangay Katidtuan, Kabacan, North
Cotabato alas 9:50 ng umaga nitong Sabado.
Kinilala ng Kabacan PNP ang
biktima na si Celso Cuenca Cuerda, may asawa at residente ng Poblacion bayan ng
Carmen.
Batay sa ulat, sakay umano ang
biktima sa tricycle mula sa Matalam papunta ng Kabacan at pagdating sa nasabing
lugar ay pinagbabaril ito ng riding tandem assassins gamit ang homemade
shotgun.
Nagtamo ng tama ng bala ang
biktima sa braso nito.
Mabilis namang tumakas ang mga
suspek papunta ng brgy. Dagupan habang agad namang isinugod ang biktima sa
Kabacan Medical Specialist center para mabigyan ng medikal na atensiyon.
Patuloy naman ang ginagawang
dragnet operation ng Kabacan PNP para mahuli ang responsable sa nasabing
krimen.
Posibleng may kinalaman sa
trabaho o negosyo nito ang motibo sa pamamaril, ayon sa Kabacan PNP.
Ito na ang pangalawang kaso ng
pamamaril sa Kabacan sa loob ng isang linggo.
Matatandaang pinagbabaril din
noong gabi ng Martes si Van Antonio Marollano sa Corner Aglipay St. at Roxas
St., matapos tangayin ang kanyang kulay itim na XRM na motorsiklo. Rhoderick Beñez
0 comments:
Mag-post ng isang Komento