(USM, Kabacan, North Cotabato/ February 14,
2014) ---Bilang bagong halal na Pangulo ng University of Southern Mindanao,
hiling ni Dr. Francisco Gil Garcia ang kooperasyon ng lahat para sa kapakanan
ng USM.
Sa ginawang panayam kahapon dalawampung
minuto matapos maideklara si Garcia bilang bagong halal na pangulo ng
pamantasan, sinabi nito na mahalaga ang kooperasyon ng lahat ng USM
Constituents para sa kapakanan ng buong USM.
Kaugnay nito, nagpahayag ang bagong USM
President na magiging transparent umano ang kanyang administrasyon sa pamumuno
sa pamantasan.
Aniya, sisikapin niya na magkaroon ng
konsultasyon sa lahat ng kanyang gagawin at wala umano dapat maiiwan
lalong-lalo na sa mga estudyante.
Binigyaang diin niya na ang mga estudyante ang
sentro ng sebisyo sa pamantasan kaya nararapat lamang na bigyan sila ng
kaukulang pansin at hindi dapat
napag-iiwanan.
Nararapat lamang umano na hindi masayang ang gastos ng kanilang
mga magulang para makapag-aral.
Sinabi ni Garcia na mahalaga umano ang
tulong ng lahat ng USM Constituents upang mapatakbo ng maayos ang four-folds
functions ng USM gaya ng Instruction, Research, Extension, at Resource
Generation.
Sa huling bahagi ng panayam dalawampung
minuto matapos siyang madeklara bilang bagong halal na pangulo ng USM,
nagpaabot si Garcia ng pasasalamat sa lahat ng sumuporta sa kanya. Abdullah Matucan, USM Devcom Intern
0 comments:
Mag-post ng isang Komento