(Kabacan, North Cotabato/ February 14, 2014)
---Narekober ng mga otoridad ang isang single na motorcycle sa may bahagi ng
Sitio Lote, Barangay Kayaga, Kabacan, Cotabato alas 9:20 kahapon ng umaga.
Ayon kay Supt. Jordine Maribojo, hepe ng
Kabacan PNP ang narekober na sasakyan ay isang DT YAMAHA 125 na may license
plate UK 5091 makaraang abandunahin ng mga salarin sa nasabing lugar.
Ang operasyon at kampanya kontra nakaw na
motorsiklo ay pinangunahan ng mga elemento ng Kabacan PNP at mga kasapi ng
Barangay Peace Keeping Action Team ng Barangay Magatos na pinamumunuan ni
Kapitan Rex Pedtamanan.
Napag-alaman na ang nasabing kulay itim na
motorsiklo ay pag-aari at nakarehistro kay kagawad Norodin Balayan ng nasabing
lugar.
Ang nasabing sasakyan ay agad namang
na-i-turn-over sa may ari matapos na magpakita ito ng mga kaukulang papeles.
Patuloy pa ngayon ang ginagawang
imbestigasyon ng Kabacan PNP para mahuli ang mga responsable sa nasabing
krimen. Rhoderick Beñez
0 comments:
Mag-post ng isang Komento