(Kabacan, North Cotabato/ February 11, 2014)
---Isa ang nasawi habang tatlo ang naiulat na sugatan sa nangyaring pamamaril
sa National Highway, partikular sa barangay Kayaga, Kabacan, Cotabato alas 5:30
kahapon ng hapon.
Kinilala ang napaslang na si Jomarie
Pinansilo habang sugatan naman ang dalawa nitong mga kapatid na sina Latip at
Bano gayundin ang drayber na si Karim Payag.
Ayon sa report, sakay ang apat sa tricycle
buhat ng Poblacion Kabacan at pagdating sa nasabing lugar ay pinagbabaril ang
biktima ng di pa nakilalang salarin.
Sa ulo tinamaan si Jomarie na naging dahilan
ng agara nitong kamatayan habang ang dalawa nitong mga kapatid ay tinamaan
naman sa leeg at ang drayber ay nagtamo ng tama sa binti at leeg.
Ang tatlo ay agad na isinugod sa iba’t-ibang
bahay pagamutan sa Kabacan.
Mabilis namang tumakas ang suspek papalayo
sa bahagi ng Poblacion ng Kabacan.
Agad namang ikinasa ni Supt. Jordine
Maribojo, hepe ng Kabacan PNP ang dragnet operation para sa ikadarakip ng
suspek at inaalam ang motibo sa nasabing pamamaril.
Ito na ang ikatlong kaso ng shooting
incident sa Kabacan sa buwang ito lamang. Rhoderick
Beñez
0 comments:
Mag-post ng isang Komento