(USM, Kabacan, North Cotabato/ February 13,
2014) ---Kinumpirma ngayong hapon sa DXVL News ni USM OIC President Atty.
Christopher Cabelin na mayroon ng bagong halal na Pangulo ang pamantasan sa
katauhan ni Dr. Francisco Gil Garcia.
Ginawa ni Cabelin ang pahayag sa isang phone
interview 15 minuto matapos na maihalal bilang bagong Pangulo ng Pamantasan si
Dr. Garcia.
Aniya, dumaan sa mahaba-habang session ang
isinagawang board meeting na ginanap sa CHED Office sa Manila at bago mag-alas
tres ngayong hapon ay tuluyang nahalal si Dr. Garcia bilang bagong Pangulo ng
USM sa pamamagitan ng botohan ng USM Board of Regents.
Dagdag pa ni Cabelin ay nanumpa kaagad
bilang bagong halal na pangulo ng USM si Garcia matapos ang deklarasyon at siya
ay pormal na uupo bilang bagong president pagkatapos ng ceremonial turn-over na
gaganapin sa loob ng pamantasan anumang araw mula ngayon.
Hindi umano magiging mahirap ang gagawing
turn-over sapagkat bago pa man magkaroon ng halalan ay naihanda na nila ang
lahat ng kakailanganin upang mas mapadali ito.
Umabot umano ng limang beses o 5th round ang
ginawang botohan ng Board of Regent kung saan nakakuha si Garcia ng pitong
boto na ikinokunsiderang majority votes
pabor sa nahalal na bagong pangulo.
Inamin naman ni Cabelin na nag-abstain umano
ito sa botohan upang ipakita na ang legasiya na maiiwan niya sa USM ay walang
impresyon na meron siyang sinusuportahan sa mga tumakbong pangulo.
Aniya, kung sinuman ang nanalo ay iyon ang
kaniyang sinusuportahan. Gusto umano nito na manatili ang isang peaceful
transition.
Kaugnay nito, pinasalamatan naman ni Dr.
Garcia ang lahat ng mga sumuporta sa kanya at hinihingi nito ang kooperasyon ng
lahat para sa ikagaganda ng USM. Rhoderick
Beñez with report from Abdullah Matucan
0 comments:
Mag-post ng isang Komento