(Matalam, North Cotabato/
January 28, 2014) ---Kulungan ang bagsak ng isang 29-anyos na tulak droga
makaraang maaresto ng Matalam PNP alas 11:30 kahapon ng umaga.
Kinilala ni PCInps Elias Diosma
Colonia, hepe ng Matalam PNP ang suspek na si Abdulkarim Daginday Unsil
residente ng Purok Tagumpay, Barangay Marbel, Matalam.
Nahuli ang suspek sa isinagawang
highway check ng kapulisan sa National Highway ng Matalam-Kabacan partikular sa
harap ng Sea Oil Gasoline Station ng Poblacion.
Narekober mula sa posisyon ng
suspek ang dalawang piraso ng plastic heat sealed sachet na naglalaman ng shabu
maliban pa sa nakuhanan din ito ng isang unit ng 9mm Pietro Beretta Pistol at
mga bala ng 9mm magazine.
Bukod dito nakuha din sa suspek
ang drugs paraphernalias kagaya ng aluminum foil, at ilang mga piraso ng empty
size na plastic sachet at ang minamaneho nitong sasakyan na Yamaha 125 na kulay
asul at pula.
Sa ngayon nasa kustodiya ng
Matalam PNP ang suspek habang inihahanda na ang kasong kakaharapin nito. Rhoderick Beñez
0 comments:
Mag-post ng isang Komento