(Cotabato city/ November 18, 2013) ---Napalaya
na ang Indian National na may ari ng Sugni Super Store sa Cotabato City,
Kabacan at Kidapawan City na dinukot sa Cotabato City at na-irelease ng kanyang
mga abductor alas 7:30 nitong Sabado.
Pinalaya ang biktima na si Mike Khemani sa
isang liblib na barangay sa may hanganan ng Kabuntalan at Datu Piang
Maguindanao.
Mismong sina Cotabato City Mayor Japal
Guiani at Kidapawan City Vice-Mayor Rodolfo Gantuangco ang kumuha sa biktima.
Napilitan umano ang mga kidnapper na
pakawalan ang Indian National dahil na-pressure na umano ito sa pinaigting na
operasyon ng militar, pulisya, Anti-Kidnapping Task Force at Moro Islamic
Liberation Front (MILF).
Sinabi ni Cotabato City Administrator Atty
Cynthia Guiani Sayadi na walang ibinayad na ransom money sa mga suspek.
Ngunit ayon sa intel report mula sa ground
na nakarating sa himpilang ito, P3M umano ang ibinayad ng kamag-anak ni Khemani
ito para ma-i-release ang biktima. Rhoderick
Beñez
0 comments:
Mag-post ng isang Komento