(Pikit, North Cotabato/ November 19, 2013)
---Napaslang ang isang negosyante matapos na mabaril makaraang manlaban ito sa
mga hold-aper sa nangyaring shooting incident sa Public Market ng Pikit, North
Cotabato pasado alas 5:00 kahapon (November 17, 2013).
Kinilala ni PCInsp. Joefrey Todeño, hepe ng
Pikit PNP ang biktima na si Limbas Maguindiga, 31-anyos, may-asawa at residente
ng Sitio Lamak, Poblacion, Pikit.
Ayon sa report, nag-sasara na umano ng
kanyang pwesto ang biktima sa pamilihang bayan ng bigla na lamang lumitaw ang
dalawang di pa nakilalang suspek at agad na hinablot ang bag ng biktima na
naglalaman ng kanyang koleksiyon na abot sa P10,000 at dalawang Nokia Cell
phones.
Nanlaban pa umano si Maguindiga dahilan para
barilin ito ng isa sa mga riding in tandem lulan sa isang kulay itim na Bajaj
motorcycle.
Nagtamo ng tatlong tama ng bala ang
negosyante sa dibdib na naging dahilan ng agarang kamatayan nito.
Naisugod pa ang biktima sa Cruzado Hospital
pero binawian na rin ito ng buhay.
Narekober sa crime scene ang 2 slugs ng
kalibre .45 na pistol na siya’ng ginamit ng mga suspek sa pamamaril.
Mabilis na tumakas ang mga suspek tangay ang
nasabing halaga ng pera.
Patuloy pa ang ginagawang pursuit operation
ng Pikit PNP. Rhoderick Beñez
0 comments:
Mag-post ng isang Komento