(Carmen, North Cotabato/ November 19, 2013)
---Patuloy na tinutugis ngayon ng Carmen PNP ang mga suspek na responsable sa
panghohold-up sa isang ahente ng goma sa Purok 7, Poblacion, Carmen, North
Cotabato nitong Huwebes (November 14, 2013) ng umaga.
Ayon sa report ng Carmen PNP abot sa
P350,000 ang natangay ng mga hold-aper kay Rex Gillardo, 40-anyos at residente
ng nasabing bayan.
Apat na mga suspek ang pumasok sa bahay ng
biktima at sabay umanong tinutukan ng baril ang may-ari kasama ang anak nito
kaya walang nagawa ang mga ito.
Agad na tumakas ang mga suspek matapos
matangay ang limpak-limpak na halaga ng pera.
Sa Kidapawan city naman --- Humugit kumulang sa P700,000 ang natangay sa isang
lending corporation ng mangyari ang robbery hold-up sa Abad Santos St.,
Kidapawan City nitong Sabado ng umaga (November 16, 2013).
Ayon kay PInsp. Samuel Bascon, posibleng
inside job ang nangyari sa PIA lending Corporation na pag-mamay-ari ni Teodulo
Pocut makaraang lumalabas sa imbestigasyon na naiwan umano ng vault keeper na
bukas ang nasabing vault.
Armado ng kalibre .45 na baril ang dalawang
mga di pa nakilalang mga suspek na may dala pang mga bladed weapon at iginapos
pa ang dalawang mga kawani ng nasabing establisiemento.
Matapos matangay ang nasabing halaga ng pera
ay mabilis na tumakas ang mga suspek sa di malamang direksiyon. Rhoderick Beñez
0 comments:
Mag-post ng isang Komento