(Kabacan, North cotabato/ November 20, 2013)
---Sugatan ang isang BS Criminology Student ng University of Southern Mindanao
matapos na manlaban sa mga suspek ng ma-hold-up ito sa may crossing ng Matalam
St., at Diego Silang, Poblacion, Kabacan alas 8:30 kagabi (November 18, 2013).
Sa report na nakalap ng DXVL News kinilala
ang biktima sa pangalan Jerald Almario, residente ng Pikit, North Cotabato at
pansamantalang nanunuluyan sa Charm Boarding House na nasa Guiang St.
Ayon sa ulat, naglalakad umano ang biktima
kasama ang kasintahan bitbit ang netbook nang lapitan sila ng dalawang di pa
nakikilang lalaki.
Bigla umanong tinutukan ang biktima sa batok
ng mga suspek sabay kalabit sa gatilyo ng baril maswerte namang di ito pumutok.
Kaya nanlaban si Almario sa mga suspek.
Nag-agawan pa umano sila ng baril, dahilan
para pumutok ito sa kanya at tinamaan ang kanan at kaliwang binti ng biktima.
Nang malamang tinamaan ang biktima, mabilis na
tumakas ang mga suspek sa di malang direksiyon.
Agad namang isinugod sa USM hospital ang
biktima para mabigyan ng medikal na atensiyon at maswerteng di naman natangay
ang netbook nito.
Nagsagawa ng pursuit operation ang PNP para mapanagot
ang responsible sa nasabing krimen. Rhoderick
Beñez
0 comments:
Mag-post ng isang Komento