(Midsayap, North Cotabato/ November 23, 2013)
---Ginanap kamakailan ang isang mobile blood donation activity sa i-Link
College of Science and Technology o i-Link CST sa Midsayap, North Cotabato.
Pinangunahan ito ng Philippine Red
Cross-Cotabato City Chapter kaagapay ang tanggapan ni 1st District
Rep. Jesus Sacdalan.
Aktibong lumahok ang mga mag-aaral ng i-Link
CST partikular ang mga kabataang kumukuha ng BS Criminology kung saan abot sa
39 na bags of blood ang nalikom.
Ayon kay Congressional District Office focal
person for Special Operations Benny Queman, nagpapatuloy ang nasabing aktibidad
upang magkaroon ng karagdagang suplay ng dugo sa blood bank ng Red Cross na
nakabase sa lungsod ng Cotabato.
Sinabi rin ni Queman na ilalapit din nila sa
iba pang mga paaralan sa bayan ang aktibidad. Ito ay upang mahikayat ang mga
kabataang Midsayapeṅo na makiisa sa adhikaing makatulong sa mga nangangailangan
sa pamamagitan ng boluntaryong pag-dodonate ng kanilang mga dugo.
Nagpaabot naman ng pasasalamat ang tanggapan
ng kongresista sa pamunuan ng i-Link CST at Red Cross sa patuloy na suporta ng
mga ito sa programa.
Ang aktibidad ay bahagi ng ‘Kalusugan Para Sa
Kapayapaan’ program ng Unang Distrito ng North Cotabato. Roderick Bautista
0 comments:
Mag-post ng isang Komento