(Carmen, North Cotabato/ November 19, 2013)
---Patuloy ngayong nilalapatan ng lunas ang tatlong mga menor de edad na
tinamaan ng ligaw na bala sa nangyaring shooting incident sa Carmen, North
Cotabato noong Biyernes ng hapon (November 15, 2013).
Kinilala ng pulisya ang mga biktima na sina:
Nor-ain Ebrahim, 15 residente ng Sitio Quary Poblacion, Carmen; Johanbri Tugas,
9 residente ng Sitio Tawan-tawan at Johani Malao, 10 residente din ng nasabing
bayan.
Batay sa inisyal na pagsisiyasat, isang
Mando Ato, 57 at residente ng Kitulaan, Carmen ang nakatayo umano sa harap ng
Obejon snackhuz sa Sampaguita St., ng nasabing bayan ng tumambad sa kanya ang
riding in tandem.
Nang mabatid ni Ato na siya ang target, agad
na umiwas ito ng magpaputok ang isa sa mga lulan ng motorsiklo dahilan para
tumama ang bala sa tatlong mga biktima na kumakain sa nasabing snackhuz.
Mabilis na isinugod ang tatlong mga biktima
sa San Rafael Hospital para mabiyan ng medikal na atensiyon pero sa kalaunan ay
inilipat ito sa Cotabato Provincial Hospital sa Amas, Kidapawan City.
Agad namang tumakas ang mga suspek sa di
malamang direksiyon matapos ang pamamaril.
Narekober sa crime scene ang isang empty
shell ng kalibre .45 na pistol.
Hindi pa malinaw kung anu ang motibo sa
nasabing pamamaril habang patuloy ang ginagawang pursuit operation ng Carmen
PNP sa pangunguna ni Supt. Franklin Anito. Rhoderick
Beñez
0 comments:
Mag-post ng isang Komento