(Maguindanao, North Cotabato/ November 14,
2013) ---Makaraan ang dalawang linggo na pagkakadukot sa isang mall owner sa
Cotabato City na si Mike Khemani, isa na namang Indian national na negosyante
ang dinukot sa isang bayan sa Maguindanao alas 9:20 kagabi.
Kinilala ang biktima na si Krishan Singh
Arora, 54.
Ayon sa report naganap ang pagdukot sa
biktima habang bumili sa Everson Flywood Company sa Brgy Landasan Maguindanao
si Arora.
Ayon kay Maguindanao PNP provincial head
S/Supt Rudelio Jocson, pinasok ng 10
armadong kalalakihan ang Everson Company at pilit na kinuha ang biktima.
Iginapos ng mga suspek pati mga security
guard ng negosyante bago tumakas ang mga kidnapper dala ang biktima.
Sa kasalukuyan ay nagpapatuloy pa ang rescue
operation ng militar at pulisya para mailigtas ang biktima.
Ang nasabing establisiemento ay apat na
kilometro ang layo mula sa Pobalcion ng bayan ng Parang.
Ang pagkaka-abduct kay Arora ay 13 araw
matapos na dinukot si Mike Khemani, may ari ng department at grocery center sa
Cotabato City.
Ayon sa ulat, pinaniniwalaang nasa bahagi ng
Liguasan Marsh sa Northern Kabuntalan sa lalawigan ng Maguindanao, dinala ng
kanyang mga abductor si Khemani. Rhoderick
Beñez
0 comments:
Mag-post ng isang Komento