(Magpet, North Cotabato/ November 10, 2013)
---Pitong mga minero ang iniulat na napatay makaraang ma-trap sa loob ng isang
tunnel sa isang barangay sa bayan ng Magpet, North Cotabato noong Biyernes
(November 8).
Kinilala ang mga biktimang namatay na sina Jojo Flores, kasapi ng Citizens Armed Forces
Geographical Unit (CAFGU); mga kapatid nito na sina Dionito at Jeffrey lahat
residente ng Sitio Makaumpig, Purok-5 ng Barangay Temporan, Magpet.
Patay din ang tatlong
mga magkakapatid na nakilalang lang sa apelyidong Senados at ang isang minero
na kinilalang Catubay, residente ng Barangay Dalipe sa bayan ng Magpet.
Ayon kay Barangay Temporan
Kapitan Biolie Verdadero isang minero na kinilalang si Dondon ang nagreport sa
kanya na may mga minero umanong na-trap sa 70 metrong lalim ng tunnel sa
nasabing lugar.
Ang impormante lamang
ang nakaligtas makaraang gumuho ang nasabing minahan alas 2:30 kahapon ng
hapon.
Agad namang humingi ng
saklolo ang biktima sa mga residente malapit sa nasabing tunnel.
Makalipas ang tatlong
oras ay narating ng mga rescue team ang lugar at nakuha ang isa sa mga bangkay
ng biktima na n- trapped sa loob ng tunnel.
Samantala, nagpasya ang mga
505 Disaster Rescue and Emergency Management (DREAM) na pinamumunuan ni Marlon
Ceballos na pansamantalang ihinto ang nasabing retrieval operation ng anim
pangmga bangkay ito dahil sa kawalan ng bentilador.
Malaki ang paniniwala ni
Celaballos na posibleng ang kemikal na nagmumula sa deposito ng methane ang nagging
sanhi ng agarang kamatayan ngmga na-trapped na minero. Rhoderick Benez
0 comments:
Mag-post ng isang Komento