(USM, Kabacan, North
Cotabato/ July 11, 2013) ---Tuluyan ng bumaba sa kanyang pwesto si USM Pres Dr.
Jesus Antonio Derije makaraang lagdaan nito ang fallback position bilang
University Professor.
Ito ang sinabi ni Dr.
Derije sa panayam sa kanya ng DXVL News kasabay na rin ng pagkumpirma ng
nasabing ulat mula kay OIC Pres. Christopher Cabilen.
Sinabi ni OIC Cabilen na
isa ito sa mga tatalakayin sa gagawing BOR meeting ngayong araw.
Sa pahayag ni Dr.
Derije, sinabi nito na hindi na umano kailangan pang pag-sumite siya ng
resignation letter dahil aniya sapat na ang fallback position na nilagdaan nito
na nagtitiyak na bukas na ang USM for the search ng bagong Presidente.
Naging emosyunal ang
dating pangulo sa ginawa nitong desisyon pero wala na umano siya’ng magagawa
dahil kung ipupursige nito ang kanyang sarili ay masasakripisyo naman daw ang
klase ng mga mag-aaral.
Sa ngayon sinabi ni
Cabilen na naghihintay na umano ng bagong assignment ang dating Pangulo
kungsaan possible umano siyang ilipat sa Commission on Higher Education o CHED
Region XI sa Davao city.
Samantala, maituturi
namang tagumpay sa panig ng mga raliyesta ang ilang buwang ipinaglalaban ng mga
ito kungsaan nagsimulang magsagawa ng kilos protesta ang mga ito noong Enero
a-14.
Nagdulot naman ng
pagkabalam sa ilang mga academic activities ang isang makasaysayang kilos
protesta sa pamantsan kungsaan nasugatan ang 14 na mga police personnel noong
buwan ng Marso matapos na magkagiriaan ang mga pulisya at mga raliyesta.
Nag-ugat ang rally
matapos ang mga akusasyong ibinabato kay derije hinggil sa graft at corruption
at abuse of power, pero itinanggi ng dating opisyal ang nasabing parating.
Ito makaraang
nasasangkot umano ang pangulo sa iba’t-ibang anomalya lalo na sa proyekto
diumano sa Pamantasan.
Sa ngayon nakabinbin pa
ang kaso nito sa ombudsman.
Samantala, sinampahan
naman ni Derije ng negligence at dereliction of duty sa Civil Service
Commission (CSC) Region 12 ang higit 80 mga empleyado ng USM.
Kinasuhan rin ng
sedition sa Regional Trial Court ni Derije ang 50 nilang mga empleyado at mga
estudyante, kasama ang 12 mga indibidwal, dahil sa umano pagsisimula ng gulo sa
loob ng unibersidad. (Rhoderick Beñez)
0 comments:
Mag-post ng isang Komento