(Pikit, North Cotabato/ July 10, 2013) ---Abot
sa 3,697 na mga residente ang nagsilikas matapos na maipit sa nagdaang giyera
sa bayan ng Pikit, North Cotabato.
Ang nasabing mga residente ay buhat sa
dalawang mga brgy ng Paidu Pulangi at Macasendeg na naipit sa nagdaang bakbakan
ng Bangsamoro Islamic Freedom Fighter o BIFF at ng tropa ng military.
Sa panayam ng DXVL kay Pikit MDRRMC head
Tahira Kalantongan sinabi nitong 821 ang nabigyan nila ng tulong kahapon na
nagrerepresenta sa mahigit sa tatlong libung mga resident eng lugar.
Sa ngayon pansamantalang nanunuluyan ang mga
ito sa pitong mga evacuation centers ng Pikit partikular sa Paidu Pulangi and
Macasendeg.
Pansamantalang ginawa muna ngayong temporary
shelters ang classrooms at compound ng Datu Bitul Elementary School, maging ang
entablado ng Memorial High School at mga day care center at silid aralan.
Bagama’t humupa na ang sagupaan sa Paidu
Pulangi wala pa pa umanong ‘go’ signal ngayon ang mga otoridad kung babalik na
sa kanilang pamamahay ang mga evacuees. (Rhoderick Beñez)
0 comments:
Mag-post ng isang Komento