(Kabacan, North Cotabato/ July 12, 2013) ---Wala
pang mga bagong baril na dumating ngayon sa Kabacan PNP matapos na iniulat ng
Philippine National Police na darating ngayong linggo ang bagong Glock na
pistol.
Ito ang nabatid ng DXVL News mula sa Kabacan
PNP ngayong araw.
Anila, nitong nakaraang linggo pa umano
isinagawa ang turn-over sa Amas Provincial Headquarters pero sa Kabacan PNP ay
hindi pa ito dumating.
Batay sa report kasi, nakabili ng 65,000 na
bagong pistol ang Pambansang Pulisya ng Pilipinas na ipapamahagi sa lahat ng
mga pulis na wala pang service firearms.
Samantala, nakita sa CCTV ang suspek na
responsableng naghagis ng granada sa harap ng RTC branch 22 malapit sa barangay
hall ng Poblacion na nasa Municipal compound noong gabi ng Hulyo a-6.
Batay sa kuha ng camera, paikot-ikot pa
umano ang mga salarin na riding in tandem sa mga pangunahing kalye ng Poblacion
bago tumungo sa National Highway.
Huminto ang dalawa sa gilid ng Barangay
Hall, bumaba ang isang angkas, nagmatyag kung may taong nakakita sa kanila at
ng maka-tiempo ay agad na itinapon ang granada.
Batay sa reply ng cctv, di pa nakalayo ang
mga ito ay sumabog na ang granada, hindi pa maklaro ang mukha ng mga suspek ng
ito ay i-zoom sa CCTV. (Rhoderick Beñez)
0 comments:
Mag-post ng isang Komento