Mga Estudyante at mga guro sa Maguindanao at North Cotabato, umaapela sa mga naglalabang BIFF at Militar sa Maguindanao na itigil na ang labanan

(Maguindano/ July 9, 2013) ---Bagama’t humupa na ang bakbakan ng sundalo at pangkat ng mga rebeldeng grupo sa magkahiwalay na sagupaan sa lalawigan ng North Cotabato at Maguindanao.

Umaapela pa rin ngayon ang mga residenteng diritsang naaapektuhan ng karahasan na wakasan na ang nasabing giyera.

Ito ang ginawang panawagan ng isang 11-anyos na si Mashary Talusan, grande 5 pupil mula sa Brgy. Tapikan, Shariff Aguak, Maguindanao.

Aniya, apektado na umano ang kanilang pag-aaral bukod pa sa nagdulot ang nasabing giyera ng pangamba sa kanilang mga kabataan at pahirap sa kanilang kabuhayan.

Batay sa report, pansamantala umano silang nanunuluyan ngayin sa Brgy. Lapok sa bayan ng Shariff Aguak matapos nilang lisanin ang kanilang lugar dahil sa matakot na maipit sa giyera at mabagsakan ngmga malalaking bala.

Samantala, sa Paidu Pulangi sa bayan ng Pikit, hindi naman bababa sa apt nalibung mga residente ang nagsilikas.

Kaugnay nito, nananawagan ngayon ang principal ng Datu Bitol Mangansakan Elementary School na bigyan pansin ng pamahalaan ang sitwasyon na hindi maapektuhan ang nagpapatuloy na klase.

Sa iba pang mga kaganapan, higit sa isang libong pamilya naman ang naapektuhan sa sagupaan ng pwersa ng militar at BIFF sa mga bayan ng Shariff Saydona Mustafa at Datu Piang, Maguindanao.

Ito ang lumabas sa inisyal na pagtatala ng DSWD-ARMM kasama ang Regional Human Rights Commission o RHRC-ARMM. Ayon kay ARMM executive secretary Atty. Laisa Alamiya, nakatakdang gawin ng DSWD-ARMM, kasama ang RHRC at OCD-ARMM ang validation sa talaan ng mga pamilyang naapektuhan ng gyera.

Ang validation ay bahagi ng paghahanda ng ARMM Regional Government sa distribusyon ng tulong sa mga bakwit.

INIHAYAG din ni Alamiya na patuloy silang nakikipag-ugnayan sa pamunuan ng 6th Infantry Division upang tiyaking wala ng kaguluhan sa ilang bahagi ng Datu Piang at Shariff Saydona Mustafa para bigyang daan ang distribusyon ng relief packs sa mga lumikas na residente.

Kaugnay nito, una ng sinabi ni 6th ID Commanding General, Major Gen. Romeo Gapuz na itinigil na ng militar ang kanilang opensiba kontra sa BIFF upang bigyang daan ang pagsisimula ng Ramadhan o buwan ng pag-aayuno. (Rhoderick Beñez)