(Kabacan, North
Cotabato/ July 8, 2013) ---Bulagta ang isang 63-anyos na lola makaraang
pagbabarilin ng di pa nakilalang salarin sa National Highay, na nasa Rizal St.,
Poblacion, Kabacan, Cotabato partikular sa harap ng Galindo Residence alas 8:30
kagabi.
Kinilala ni PInsp.
Samuel Bascon ng Kabacan PNP ang biktima na si Perla Toledo Balod, biyuda,
senior citizen at residente ng nabanggit na lugar.
Pinagbabaril umano ng di
pa nakilalang salarin ang biktima hanggang sa mapatay gamit ang .45 na pistol,
batay sa dalawang fired cartridge ng mga bala na narekober sa crime scene.
Mabilis na tumakas ang
suspek sa di malamang direksiyon habang nagpapatuloy naman sa ngayon ang
ginagawang imbestigasyon ng Kabacan PNP sa kung anu ang motibo sa nasabing
pamamaril.
Agad namang inatasan
ngayon ni Mayor Herlo “Jojo” Guzman, Jr. ang mga kapulisan na paiigtingan ang
pagbabantay sa bayan matapos rin ang pag-granada sa mababang hukuman ng Kabacan
na nasa loob pa mismo ng municipal compound ng LGU Kbacan nitong Sabado ng
gabi. (Rhoderick Beñez)
0 comments:
Mag-post ng isang Komento