(Libungan, North Cotabato/ July 8, 2013) ---Ikinababahala
ng ilang residente ng Syphon Purok 3, Barangay Abaga sa Libungan, North
Cotabato ang hindi magandang kondisyon ng hanging bridge sa kanilang lugar.
Kaugnay nito, nagsumite na ng resolusyon ang
pamahalaang pambarangay upang ipaalam at hilingin ang interbensyon ng First
Congressional District Office ni Rep. Jesus Sacdalan ukol dito.
Bilang tugon ay nagsagawa ng inisyal na
pagsisiyasat ngayong araw ang tanggapan ng opisyal sa mismong lokasyon ng
tulay.
Sinabi rin ni Congressional District Office
Infrastructure Focal Person Engr. Jerry Pieldad na gagawa sila ng rekomendasyon
kung ano ang nararapat gawin kaugnay sa kasalukuyang kondisyon ng nasabing
pasilidad.
Ang natukoy na hanging bridge ay nagsisilbing
tawiran ng mga kabataang nag-aaral sa mababang paaralan ng barangay at sa
mataas na paaralan ng Libungan.
Ito rin ang pangunahing daanan ng mga
residente mula sa sitio sa kabilang bahagi ng Libungan River na tutungo sa
pampublikong pamilihan ng bayan. (Roderick Rivera Bautista)
0 comments:
Mag-post ng isang Komento