(Kidapawan City/ June
19, 2013) ---Huli sa checkpoint ng Task Force Cotabato ang dalawa katao matapos
makuhanan ng di lisensyadong baril sa may national highway ng Kidapawan City,
kamakalawa.
Kinilala ng Kidapawan
City PNP ang mga inaresto na sina Rey Manzano, 40, isang seaman at
taga-Barangay Batasan, Makilala, at ang driver ng Toyota Revo na si Nestor
Nable Orongon, 59, na taga-Apo Sandawa Homes Phase 2 ng Kidapawan City.
Ayon sa report, kabilang
ang sasakyan ni Orongon sa mga pinara at tsinek-up ng mga sundalo sa may
national highway.
Nakita ang Uzi
sub-machine gun at isang magazine sa loob ng sasakyan, kasama ng mga fighting
cocks.
Nang hanapan ng papeles,
walang maipakita si Manzano.
Deretso ang dalawa sa
Kidapawan City PNP pero makalipas ang ilang oras ay pinalaya ang driver na si
Orongon matapos mapatunayang ang Revo ay nirentahan lang ni Manzano.
Kakasuhan si Manzano ng
illegal possession of firearms. (Malu Manar)
0 comments:
Mag-post ng isang Komento