(Kabacan, North Cotabato/ June 20, 2013) ---Abot
sa 7,204 ang kabuuang pamilya na naapektuhan ng mga pagbaha sa bayan ng Kabacan
makaraang bumuhos ang malakas na pag-ulan nitong Hunyo a-13.
Batay sa pinakahuling report ni Social
Welfare Officer Susan Macalipat, Incident Commander ng MSWDO labing apat na mga
brgy ang naapektuhan ng nasabing pagbaha makaraang umapaw ang tubig mula sa
Pulangi river.
Kasama ng MSWDO ang Municipal Agriculture
Office sa isinagawang ocular inspection kungsaan malubhang tinamaan ng pagbaha
ang Brgy. Kayaga kasama na dito ang Lumayong Elementary School, Lumayong High
School, Malabuaya elementary School at Kayaga Brgy. Hall bukod pa sa ilangmga
pamamahay na lubog din sa tubig baha.
Abot naman sa 342 na mga pamilya ang
naapektuhan ng pagbaha sa brgy. Poblacion.
Samantala binaha din ang Brgy. Salapungan
kasama na dito ang Datu Mantawil Memorial Elementary School at Salapungan Brgy.
Hall.
Maliban dito, binaha din ang brgy. Pedtad,
Magatos, Aringay, Malamote, Malanduage, Upper Paatan, Cuyapon, Nangaan, Buluan,
Kilagasan at Katidtuan.
Kaugnay nito, patuloy naman ang pamimigay
tulong ngayon ng MSWDO kasama ng LGU Kabacan sa mga pamilyang naapektuhan ng
nasabing kalamidad.
Kabilang sa mga relief goods na ipinamahagi
ng pamahalaang lokal sa mga naapektuhang pamilya ay ang 3 kilo ng bigas,
sardinas, noodles, asukal, kape.
Nagmigay din ng tulong ang provincial
government kasama na ang trapal para sa mga residenteng nagsilikas sa kanilang
pamamahay. (Rhoderick Beñez)
0 comments:
Mag-post ng isang Komento