(Matalam, North Cotabato/ April 29, 2013)
---Nagpapatuloy ngayon ang serye ng operasyon ng Matalam PNP hinggil sa talamak
na illegal quarry at transportation ng sand and gravel sa mga brgy sa bayan ng Matalam.
Ayon kay Operation
Officer SP04 Froilan Gravidez ng Matalam PNP katunayan isa katao ang kanilang
nahuli noong Sabado ng umaga.
Kinilala ang nasabing
operator na si Oscar Labagnao, nasa tamang edad at residente ng Sitio Lambayao,
Brgy. Kibia ng nabanggit na bayan.
Nahuli ang suspek lulan ang
3 cubic meter ng mga bato sakay sa isang Isuzu Elf buhat sa quarry brgy ng
Estado at Marbel.
Sinabi ni Gravidez na wala
ng operation permit ang mga quarry sites sa lugar pero patuloy pa rin ang
kanilang operasyon, kaya maituturing na itong illegal quarry.
Ang operasyon ng PNP na
hulihin ang mga operators na lumalabag ay batay sa inilabas na Executive order
#:03 ni Gov. Lala Taliño Mendoza series of 2012 na may petsang February 27,
2012.
Pinalawig pa ito ng Provincial
government noong huling quarter ng nakaraang taon pero karamihan sa mga
operators ng quarry sa bayan ng Matalam ay di nakapag-renew ng permit, ito
batay na rin sa Provincial Mining and Regulatory Board PMRB sa ilalim ng
Provincial Treasurer’s Office.
Ayon sa Matalam PNP, abot
na sa 10 katao ang kanilang nahuli mula buwan ng Disyembre ng nakaraang taon.
Nanguna sa nasabing
operasyon ang Provincial Mining and Regulatory Board na pinamumunuan ni Admin
Officer II Myla Batucan at ng PNP Matalam sa pangunguna ni PSI Elias Dandan,
hepe ng Matalam PNP. (Rhoderick Beñez)
0 comments:
Mag-post ng isang Komento