(Matalam, North Cotabato/ April 30,
2013) ---Patay ang dalawa katao habang sugatan ang isa pa makaraang masangkot
sa aksidente sa daan ang sinasakyang motorsiklo alas 5:15 ng madaling araw
kanina sa Matalam, North Cotabato.
Kinilala ng Matalam PNP ang mga
binawian ng buhay na si Efren Cabayao, 55, may asawa, driver ng Kawasaki Bajaj
at si Bernabe Balanag, backrider kapwa residente ng nabanggit na bayan.
Batay sa inisyal na pagsisiyasat ng
mga otoridad lumalabas na habang tinatahak ng Isuzu Forward ang kahabaan ng
National Highway galing ng Cotabato Sugar Central Corporation mula sa Brgy.
Kilada patungo sa direksyong papuntang bayan ng Mlang ng pagdating sa harap ng
munisipyo ng Matalam ay nahagip nito ang isang kulay pulang Kawasaki Bajaj na
may plate number NR 6666.
Patungo sana sa Matalam Public Market
ang nasabing motorsiklo na minamaneho ng biktimang si Cabayao sakay ang isa
pang angkas na anak nito na nakialalng si Maricel, 18 gulang ng maganap ang
insedente.
Maswerteng di napuruhan si Maricel
pero ang ama nitong si Efren at ang backrider na si Balanag ideneklarang dead
on Arrival ng mga doktor makaraang maisugodsa Babol Medical Hospital.
Ang truck na may plate number JCK
960 na minamaneho ni Romeo Gabais Jr., 22 at residente ng Esperanza, Sultan
Kudarat ay pansamantalang nasa kustodiya ngayon ng Matalam PNP habang
nagpapatuloy ang imbestigasyon. (Rhoderick Beñez with reports from SP04 Froilan Gravidez )
0 comments:
Mag-post ng isang Komento